PIBA a zo ur ger Laosek hag a dalv "spered fol'
phi [pi:] anv kadarn : spered (spered ar c'hoad/spered an hendadoù)
ba [ba] anv-gwan : fol


Staliet eo Teatr Piba e Brest. Savet eo bet e 2009, da heul emvodoù ha kenlabour arzourien a bep seurt, komedianed, sonerien ha leurennerien en o zouez, a gomz brezhoneg, o devez doareoù tost da labourat, o deus bet rannet o skiant-prenet, hag a zo desachet gant ar memes c’hoant : krouiñ pezhioù-c’hoari bev hag a-vremañ e brezhoneg. Arzel eo hor pal, da gentañ-penn, ha pa zalc’himp da labourat ingal war ar yezh. Fellout a ra deomp mont gant un hent krouiñ digor, en ur blediñ gant temoù a-vremañ.
portrait Kinklour

Jean-Michel Appriou a zo o tresañ an tachennoù hag o klinkañ al leurennoù abaoe ugent vloaz. Labouret en deus war glinkadur kalz a abadennoù c'hoariva ha c'hoarigan. Tresañ an dachenn en deus graet evit ar strolladoù Ar Vro Bagan, le théâtre du Grain, Tro-Heol, PantEatR...hag all...Livour ha kizeller eo ivez. N'eus forzh peseurt manour arzhel a ra a zo maget gant ar pezh en deus bevet tro dro d'al leurenn. Komz a ra diwar-benn ar fiñval, studiañ a ra ar gestr, an dañs ha ar c'hoariva a-dost kaer.